Nəsimi rayonunun 28 May küçəsində, "The Ritz-Carlton Baku" otelinə qədər uzanan ərazidə yeni istirahət parkı salınır. Əvvəllər Vaqon təmiri müəssisəsinin yerləşdiyi 10 hektara yaxın sahədə genişyaşıllıq massivləri yaradılır.
Yerli və xarici mütəxəssislərin hazırladığı layihəyə əsasən, Hüseyn Rəsulbəyov küçəsindəki avtomobil yolu parkın sərhəddinə köçürülür. Həmçinin piyadaların rahatlığı üçün yerüstü keçid inşa olunacaq.
Hazırda yeraltı avtonəqliyyat dayanacağının tikintisi intensiv şəkildə davam etdirilir. Ərazidə idman zonaları, süni göllər, amfiteatr, velosiped yolları və müasir uşaq meydançaları qurulacaq.
Beləliklə, paytaxtın ekoloji mühitini yaxşılaşdıracaq növbəti böyük istirahət məkanı istifadəyə veriləcək.
Bakıda bu yol köçürülür, yerində park salınır — FOTOLAR
