"Çocuktan Al Haberi" verilişinin məşhur siması illər sonra kameralara tuş gəlib. Ekranların "Kutu Bebek" ləqəbli ulduzu Ebrar Demirbilek artıq gözlərdən uzaq deyil. O, yeni görkəmi və açıqlamaları ilə hər kəsi təəccübləndirib.
Kiçik yaşlarında şirinliyi ilə yaddaşlara yazılan gənc istedad yeniliklərdən danışıb. O, kinoteatrda keçirilən tədbirə anası ilə birlikdə qatılıb. Gənc aktrisa yeni film təklifləri aldığını və onları nəzərdən keçirdiyini bildirib.
Karyerasını uğurla davam etdirən aktrisa bir çox məşhur layihələrdə rol alıb. O, "Hercai" və "Pera Palas" kimi seriallarda özünü sınayıb. Gənc istedad son olaraq "Efesin Sırları" filmində tamaşaçı qarşısına çıxıb.
Beləliklə, uşaqlıq illərindən tanıdığımız məşhur sima yeni layihələrlə ekranlara dönməyə hazırlaşır.
