Oktyabr bəzi insanlar üçün həyatın müəyyən sahələrində dəyişiklik və yeni mərhələnin başlanğıcı ilə əlaqələndirilir. Numeroloji yanaşmaya görə, may, oktyabr və noyabr aylarında doğulanların bu ay ərzində mühüm qərarlar verməsi və əvvəlki həyat tərzini yenidən nəzərdən keçirməsi mümkündür.
Demokrat.az xəbər verir ki, "Parade" jurnalında yayımlanan yazıda bu üç ayda doğulan insanlar üçün oktyabr ayının fərqli mövzular üzrə dəyişiklik dövrü ola biləcəyi qeyd edilib.
Mayda doğulanlar
May ayında doğulanlar üçün oktyabr maddi məqsədlər, pul və uğur anlayışına yenidən baxmaq dövrü kimi təqdim olunur. Uzun müddət arzuladıqları bəzi məqsədlər artıq əvvəlki qədər məmnunluq yaratmaya bilər. Yazıda bunun səbəbinin həmin məqsədlərin yanlış olması deyil, zamanla insanın həqiqi istəklərinin dəyişməsi ola biləcəyi bildirilir.
Bu dövrdə başqalarının uğur, status və maddi rifahla bağlı gözləntilərindən uzaqlaşıb şəxsi istəkləri müəyyənləşdirmək ön plana çıxa bilər.
Oktyabrda doğulanlar
Oktyabr ayında doğulanlara isə münasibətlərinə və yaxın çevrələrinə daha diqqətlə nəzər salmaları tövsiyə edilir. Ad günü ətrafındakı dövr onların hansı münasibətlərin həqiqətən əhəmiyyətli olduğunu, hansılarının isə artıq əvvəlki dəyərini itirdiyini düşünməsinə səbəb ola bilər.
Bəzi münasibətlərdə dəyişiklik baş verə, əvvəllər mühüm rol oynayan insanlar tədricən ikinci plana keçə bilər. Bu, mütləq ayrılıq demək deyil, lakin əvvəlki ünsiyyət formasının artıq uyğun gəlməməsi mümkündür. Şəxsi sərhədlərin müəyyənləşdirilməsi və yalnız məcburiyyət hissinə görə münasibətləri davam etdirməmək bu dövrün əsas mövzularından biri kimi göstərilir.
Noyabrda doğulanlar
Noyabrda doğulanlar üçün isə oktyabr uzun müddətdir davam edən təzyiq və asılılıq hissindən uzaqlaşma dövrü kimi xarakterizə edilir. Bu məhdudiyyətlərin səbəbi konkret bir insan, yaxud şəxsi qorxu və özünə inamsızlıq ola bilər.
Yazıya görə, bu insanlar başqalarının təsdiqini qazanmaq üçün öz maraqlarından imtina etməməyə, şəxsi sərhədlərini daha aydın ifadə etməyə və özlərini başqaları ilə müqayisə etməyi azaltmağa başlaya bilərlər. Beləliklə, əvvəlki mərhələdə özlərini kifayət qədər qiymətləndirmədiklərini düşünənlər üçün yeni dövrün özünəinam hissinin artması ilə əlaqələndirildiyi bildirilir.
Jalə
