Azərbaycan Dəmir Yollarının (ADY) sərnişinlər üçün həyata keçirdiyi “Kitab Dayanacağı” layihəsi genişlənməkdə davam edir.
Demokrat.az xəbər verir ki, layihə çərçivəsində Bakı və Gəncədən sonra “Kitab Dayanacağı” Sumqayıt Dəmiryol Vağzalında da istifadəyə verilib.
ADY-nin məlumatına görə, təşəbbüs sərnişinlərin gözləmə və səfər vaxtını daha maraqlı və səmərəli keçirməsinə, onların mütaliəyə marağının artırılmasına xidmət edir.
Artıq Sumqayıtdan səfərə çıxan sərnişinlər vağzalda “Kitab Dayanacağı”ndan kitab seçərək səfər zamanı mütaliə edə biləcəklər.
ADY sərnişinləri Sumqayıt Dəmiryol Vağzalına səfərləri zamanı “Kitab Dayanacağı”ndan yararlanmağa dəvət edib.
