Məşhur aktyor Bred Pitt və sevgilisi İnes de Ramon münasibətlərini ilk dəfə "Instagram"da rəsmiləşdiriblər.
Demokrat.az xəbər verir ki, məşhur cütlük Teylor Svift və Trevis Kelsinin ulduzlarla dolu toy mərasiminə getməzdən əvvəl çəkdirdikləri romantik görüntülərlə gündəmə gəlib.
62 yaşlı Bred Pitt və 33 yaşlı sevgilisi İnes de Ramon ötən cümə günü Teylor Svift və Trevis Kelsinin möhtəşəm toyuna qatılmadan əvvəl çəkdirdikləri romantik fotolarla münasibətlərini sosial mediada nümayiş etdiriblər.
Məşhur saç stilisti Lori Zanoletti tərəfindən bazar ertəsi günü "Instagram"da paylaşılan fotolarda Pitt və sevgilisi qara rəngdə uyğun geyimləri ilə diqqət çəkiblər.
2022-ci ildə münasibətə başlayan cütlük səmimi görüntülərdə olduqca xoşbəxt görünüb. Altı uşaq atası olan Pittin sevgilisinə sarıldığı anlar sosial media istifadəçilərinin böyük marağına səbəb olub.
Daha sonra cütlük Teylor Svift və Trevis Kelsinin Nyu-Yorkdakı "Madison Square Garden"da keçirilən və ulduzların iştirak etdiyi toy mərasiminə qatılıb.
Bred Pittin toy mərasimində görünməsi onun şəxsi həyatı ilə bağlı yeni iddiaların fonunda baş verib.
"Page Six" nəşrinə danışan bir mənbə ötən ay bildirib ki, təxminən 10 il davam edən və qalmaqallı şəkildə başa çatan Ancelina Coli ilə boşanmasından sonra Pitt yenidən evlənməyi düşünmür.
Jalə Demokrat.az
