Ərik olduqca faydalı olsa da, bəzi xəstəlikləri olan və ya xüsusi vəziyyətlərdə olan insanlara ərik yemək məsləhət görülmür və ya ciddi məhdudiyyətlə icazə verilir.
Demokrat.az xəbər verir ki, bu şəxslər əriyi rasiondan çıxarmalı və ya çox az istehlak etməlidirlər:
Şəkərli diabet xəstələri: Ərik (xüsusilə də qaysı/quru ərik) qanda şəkəri kəskin şəkildə qaldıra bilər. Diabetiklərə gün ərzində maksimum 1-2 ədəd təzə ərik tövsiyə olunur, mürəbbə və qurusu isə qadağandır.
Kəskin mədə-bağırsaq problemləri olanlar: Mədə xorası, qastrit (turşuluğu yüksək olan), pankreatit və qıcıqlanmış bağırsaq sindromundan əziyyət çəkənlərə kəskinləşmə dövründə ərik olmaz. Meyvənin tərkibindəki üzvi turşular mədəni qıcıqlandırır.
Böyrək xəstəliyi olanlar: Ərik kaliumla olduqca zəngindir. Böyrəkləri zəif işləyən şəxslərin orqanizmindən kalium çətin xaric olur, bu da ürək ritminin pozulmasına səbəb ola bilər.
İshala (mədə pozuntusuna) meylli olanlar: Lifli quruluşu bağırsaqları sürətlə işlətdiyi üçün ishal zamanı və ya xroniki bağırsaq pozuntusu olanlarda vəziyyəti daha da pisləşdirir.
Allergiyası olanlar: Ərik bəzi insanlarda dəridə qaşınma, dodaqların və dilin şişməsi kimi allergik reaksiyalar törədə bilər.
Leyla Demokrat.az
