Həkimlər 40 yaşdan sonra kərə yağından tamamilə imtina etməməyi tövsiyə edirlər. Onların sözlərinə görə, bu məhsulun rasiondan çıxarılması bəzi vitaminlərin çatışmazlığına səbəb ola bilər.
Dietoloqlar bildirirlər ki, yaş artdıqca orqanizm qida maddələrini fərqli şəkildə mənimsəyir. Hormonların istehsalı azalır. Yağda həll olan vitaminlərin sorulması da zəifləyə bilər.
Kərə yağı A, D və K vitaminlərinin mənbələrindən biri hesab olunur. Bu vitaminlər görmə, immunitet və sümük sağlamlığı üçün vacibdir.
Kardioloqlar qeyd edirlər ki, əsas məsələ kərə yağının özü deyil, onun miqdarıdır. Təbii məhsulun tərkibində bağırsaqların fəaliyyətinə dəstək verən qısa zəncirli yağ turşuları mövcuddur.
Həkimlərin sözlərinə görə, kərə yağında olan xolesterin hormonların sintezində iştirak edir. Bu maddənin həddindən artıq azlığı enerji səviyyəsinə və əhval-ruhiyyəyə təsir göstərə bilər.
Dietoloq Andrey Melnikov bildirib ki, 40 yaşdan sonra yağları rasiondan çıxarmaq yox, düzgün mənbələr seçmək lazımdır.
Araşdırmalar göstərir ki, sağlam insanlarda kərə yağının normada qəbulu ürək-damar xəstəlikləri riskini artırmır. Bunun üçün ümumi qidalanma balanslı olmalıdır.
Həkimlər gündə 10-20 qram keyfiyyətli kərə yağının kifayət etdiyini bildirirlər. Onlar marqarin və transyağlar tərkibli məhsullardan uzaq durmağı məsləhət görürlər.
Mütəxəssislərin qənaətinə görə, 40 yaşdan sonra təbii yağlardan tamamilə imtina etmək düzgün yanaşma deyil. Əsas məqsəd miqdara nəzarət etmək və keyfiyyətli məhsul seçməkdir.
İsmayıl Demokrat.az
