Astrologiya və numerologiya iddia edir ki, doğum ayı insanın münasibətlərdə nə dərəcədə sadiq və etibarlı ola biləcəyinə böyük təsir göstərir.
Demokrat.az xəbər verir ki, bu barədə "Parade" jurnalı yazır.
Ezoterik baxışa görə, doğum ayının enerjisi insanın öhdəliklərə və bağlılıqlara münasibətini formalaşdırır. Bəzi insanlar sevgi, dostluq və iş münasibətlərində hər şəraitdə sadiqliyini qoruyur. Digərləri isə daxili konflikt yaşamadan asanlıqla uzaqlaşa bilirlər. Hər ay insanlara fərqli xüsusiyyətlər verir və bu da onların sadiqlik və ya dəyişkənlik meylini müəyyən edir. Aşağıda ən çox etibarlı və sadiq hesab edilən doğum ayları təqdim olunur.
Oktyabr
Oktyabrda doğulan insanlar çox vaxt sadiqliyin nümunəsi hesab olunur. Onlarda Tərəzinin harmoniyaya can atması və Əqrəbin emosional dərinliyi birləşir. Onlar münasibətlərə ciddi yanaşır və öhdəliklərdən asanlıqla imtina etmirlər. Belə bir insan sizi seçibsə – istər dostluqda, istər sevgidə, istər əməkdaşlıqda – bu əlaqəni sonadək qorumağa çalışacaq. Oktyabr doğumlular çətin dövrlərdə belə münasibətləri saxlamağa meyllidir və onları daha möhkəm və uzunmüddətli etməyə çalışırlar.
İyul
İyulda doğulanlar yaxınlarına güclü bağlılıq və yüksək məsuliyyət hissi ilə seçilirlər. Xərçəng enerjisi onları ailə yönümlü və qayğıkeş edir, Şir təsiri isə səxavət və alicənablıq əlavə edir. Onlar ətraflarında təhlükəsizlik və dəstək mühiti yaradırlar. Çətin anlarda yanında olmağı vacib sayır və sevdikləri üçün çox şeydən imtina etməyə hazır olurlar. Eyni zamanda başladığı işləri yarımçıq qoymurlar.
Yanvar
Yanvarda doğulan insanlara məsuliyyət və etibarlılıq baxımından güvənmək olur. Onlarda Oğlağın intizamı və Dolçanın idealizmi birləşir. Azadlığa meylləri olsa da, sonda daha çox sabitlik və uzunmüddətli məqsədləri seçirlər. Onlar münasibət və işdə davamlılıq üçün çalışır, dəyərli bağları qorumağa səy göstərirlər. Dürüstlük, ardıcıllıq və öhdəliklərə sadiqlik yanvar doğumluların əsas xüsusiyyətlərindəndir.
Avqust
Avqustda doğulanlar sadiq və etibarlı dostlar kimi tanınırlar. Onların xarakterinə Şirin özünəinamı və Qızın praktikliyi təsir edir. Onlar ətrafdakılara dayaq olmağı vacib sayır və bu obrazı qorumağa çalışırlar. Əzmkarlıqları həm işdə, həm də şəxsi münasibətlərdə özünü göstərir. Münasibətləri inkişaf etdirmək və etimadı qorumaq üçün daim səy göstərirlər.
Qeyd edək ki, astrologiya, tarot, numerologiya, xiroqrafiya, ekstrasensorika və digər oxşar praktikalar elmi fənlər hesab edilmir. Onlar qədim ənənələrə, inanclara və elmi araşdırmalarla təsdiqlənməmiş şərhlərə əsaslanır və obyektiv sübutlara malik deyil. Bu metodlar akademik elmi dairələrdə qəbul edilmir və bu mövzularla bağlı materiallar çox vaxt əyləncə xarakteri daşıyır. Onları qərar vermək və ya plan qurmaq üçün etibarlı vasitə kimi qəbul etmək tövsiyə olunmur. Psixologiya və ya sağlamlıqla bağlı məsələlərdə hər zaman elmi mütəxəssislərə müraciət etmək lazımdır.
Jalə Demokrat.az
