Məşhur mesajlaşma tətbiqi WhatsApp istifadəçi təcrübəsini yeniləyəcək maraqlı funksiya üzərində işləyir. Yeni dəyişikliklə birlikdə istifadəçilər tətbiq daxilində kimlərin onlayn olduğunu bir səhifədə ümumi şəkildə görə biləcəklər. Bu yenilik xüsusilə söhbətə başlamaq istəyənlər üçün aktiv kontaktları daha sürətli müəyyən etməyə kömək edəcək.
Hazırda hazırlıq mərhələsində olan bu funksiya üçün tətbiqdə xüsusi yerin ayrılması planlaşdırılır. İstifadəçilər həmin hissəyə daxil olmaqla anlıq olaraq kimlərin aktiv olduğunu siyahı şəklində izləmək imkanı əldə edəcəklər. Bu addım platformada ünsiyyətin daha dinamik və rahat qurulmasına xidmət edir.
Lakin yeni funksiyanın gizlilik məsələlərində müəyyən müzakirələrə yol açacağı ehtimal olunur. Onlayn statusunun daha görünən hala gəlməsinin fərdi toxunulmazlıq baxımından həssaslıq yarada biləcəyi diqqət çəkir. İstifadəçilərin bu şəffaflığa necə reaksiya verəcəyi hələlik sual altındadır.
Hazırda məhdud istifadəçi qrupu ilə sınaqdan keçirilən bu yeniliyin bütün platforma üzvləri üçün nə zaman əlçatan olacağı dəqiq bilinmir. "WhatsApp"ın bu funksiyanı tətbiq etməzdən əvvəl gizlilik tənzimləmələrində hansı dəyişiklikləri edəcəyi maraqla gözlənilir. Yeniliyin yaxın gələcəkdə növbəti yenilənmələrlə birlikdə təqdim ediləcəyi proqnozlaşdırılır.
İsmayıl Demokrat.az
