Yevlax rayonunda ölümlə nəticələnən partlayış hadisəsi baş verib.
Demokrat.az-ın Oxu.az-a istinadən məlumatına görə, hadisə rayonun Aran qəsəbəsi ərazisindəki kafelərdən birində baş verib.
Hadisə zamanı kafedə qaz balonu partlayıb. Partlayış nəticəsində orada olan Yevlax rayon sakini, 1969-cu il təvəllüdlü Ruslan Şirin oğlu Sadıqov müxtəlif dərəcəli bədən xəsarətləri alıb. Yevlax Rayon Mərkəzi xəstəxanasına yerləşdirilən R.Sadıqov orada ölüb.
Faktla bağlı Yevlax Rayon Prokurorluğunda araşdırma aparılır.
