Şəkinin bəzi ərazilərində yanğın baş verib.
Demokrat.az xəbər verir ki, bu gün günorta saatlarından rayonun Cumakənd kəndinin inzibati ərazisindəki dağlıq ərazidə, kol-kos, quru ot və biçilmiş taxıl sahələrində yanğın başlayıb.
8 saatdır davam edən yanğının 100 hektardan çox ərazini əhatə etdiyi bildirilir.
Hazırda yanğının söndürülməsinə Şəki Rayon Dövlət Yanğından Mühafizə Hissəsinin texnikaları və 50-dən çox şəxsi heyəti cəlb edilib.
