Türkiyənin məşhur intellektual yarışması "Kim Milyoner Olmaq İster" verilişində iştirak edən Kamile Bağcı 5-ci sualda səhv cavab verərək oyunu tərk edib. Onun cavabı isə sosial mediada geniş müzakirələrə səbəb olub.
Demokrat.az türk mediasına istinadən xəbər verir ki, iştirakçıya verilən sual belə olub: "Mustafa Kamal Atatürkə ‘Kamal’ adını verən riyaziyyat müəlliminin adı nədir?" Bağcı tərəddüdsüz şəkildə cavab olaraq "Kamal" deyib.
."Bu sualdan ələnərsəm, çox üzülərəm", – deyə əvvəlcədən bildirən iştirakçı, düzgün cavabın "Mustafa" olduğunu öyrəndikdə hisslərini gizlədə bilməyib.
Qeyd edək ki, Türkiyənin orta və ali təhsil müəssisələrinin dərsliklərində Atatürkün müəllimi haqqında geniş məlumat yer alır.
