“Türkmənqaz” “Qazprom”la qiymətlərdə razılaşmadığı üçün Rusiyaya qaz nəqlini dayandırıb.
Demokrat.az xəbər verir ki, bu barədə Türkmənistan şirkətinin rəhbəri Maksat Babayev danışıb.
O izah edib ki, xidmətlərin göstərilməsini davam etdirmək üçün 30 iyun 2024-cü il tarixində qiymətə yenidən baxılması nəzərdə tutulub.
“Biz danışıqlar apardıq və kommersiya hissəsi ilə bağlı ümumi anlaşma əldə edə bilmədik"-deyə açıqlamada bildirilib.
Danışıqlar nəticəsində tərəflər qiymət məsələsində ortaq məxrəcə gələ bilməyiblər. Bu səbəbdən qaz təchizatı müqaviləsi uzadılmayıb.
“Qazprom” və “Türkmənqaz” 2019-cu ildə beş illik qaz tədarükünə dair müqavilə imzalayıb. Qaz tədarükünün həcmi 5,5 milyard kubmetr təşkil edib.
Mehriban Mirzəzadə Demokrat.az
