“Çin Ukraynada davam edən müharibə ilə bağlı mövqeyini dəyişməyi planlaşdırmır və dünyanı sülh planın mümkünlüyünə inandırmağa davam edəcək”.
Demokrat.az xəbər verir ki, bunu Çinin xarici işlər naziri Van Yi Sankt-Peterburqda Rusiya Təhlükəsizlik Şurasının katibi Sergey Şoyqu ilə görüşündə deyib.
O bildirib ki, Çin Rusiya-Ukrayna müharibəsinə son qoymaq üçün öz baxışını təbliğ etməyə davam edəcək və dünyanın əksər ölkələrini münaqişənin siyasi həlli ilə bağlı təklifini dəstəkləməyə inandırmağa çalışacaq:
“Çin beynəlxalq konsensusa nail olmaq və hərbi əməliyyatların sürətlə dayandırılması üçün lazımi şərait yaratmaq üçün beynəlxalq ictimaiyyət arasında Ukrayna böhranı ilə bağlı balanslaşdırılmış, obyektiv və rasional nöqteyi-nəzərdən formalaşdırmaq üzərində işləməyə davam edəcək”, - deyə o bildirib.
Mehriban Mirzəzadə Demokrat.az
