“2024-cü ilin ilk 3 ayı ərzində 25 nəfər dəm qazı səbəbindən həyatını itirib”.
Demokrat.az xəbər verir ki, bu sözləri "Azəriqaz" İstehsalat Birliyinin SƏTƏMM və Keyfiyyətə nəzarət şöbəsinin rəisi İlkin Behbudov bildirib.
Onun sözlərinə görə, 3 ay ərzində ümumilikdə qaz problemi ilə əlaqədar 332 hadisə qeydə alınıb:
“Hadisələr zamanı 335 nəfər xəsarət alıb. Sözügedən hadisələr əsasən, istilik cihazında olan nasazlıq və tüstü bacasının olmaması səbəbindən baş verib.
Bundan əlavə 2024-cü ilin yanvar-mart ayları ərzində ümumilikdə 25 ölüm faktı qeydə alınıb. Bunlardan 7-si yanvar, 14-ü fevral və yerdə qalan 4-ü isə mart ayında baş verib”.
Aysu Demokrat.az
