İndoneziyada 37 nəfərin olduğu balıqçı gəmisinin batması nəticəsində 2 nəfər ölüb, 24 nəfər itkin düşüb.
Demokrat.az xəbər verir ki, bu barədə xarici media orqanları məlumat yayıb.
Bildirilib ki, Lombok adasına gedən balıqçı qayığı Bone Bayda fırtına nəticəsində batıb.
Axtarış-xilasetmə qruplarının əməliyyatları nəticəsində 2 nəfərin cəsədinin tapdıldığı bildirilib.
Bundan əlavə 11 nəfərin yaralı şəkildə sudan çıxarılaraq xəstəxanaya yerləşdirildiyi vurğulanıb.
Qeyd edək ki, hazırda itkin düşən 24 nəfərin axtarış-xilasetmə işləri davam etdirilir.
Aysu Demokrat.az
