Qırğızıstanın paytaxtı Bişkekdə təlim uçuşu zamanı “Mi-8” hərbi helikopteri qəzaya uğrayıb.
Demokrat.az xəbər verir ki, bu barədə ölkənin rəsmi xəbər agentliyi “Kabar” məlumat yayıb.
Məlumata görə, Qırğızıstan Müdafiə Nazirliyinə aid poliqonda təlim uçuşu həyata keçirən “Mi-8” tipli hərbi helikopter eniş zamanı qəzaya uğrayıb.
Xəbərdə qəzada yaralananların olduğu və hadisə ilə bağlı araşdırmalara başlanıldığı bildirilib.
Qırğızıstan Müdafiə Nazirliyi hələlik qəza ilə bağlı açıqlama verməyib.
Aysu Demokrat.az
