Qazaxıstan Prezidenti Kasım-Jomart Tokayev azərbaycanlı həmkarı İlham Əliyevə təbrik teleqramı göndərib.
Demokrat.az xəbər verir ki, bu barədə "Kazinform" agentliyi Qazaxıstan Prezident Administrasiyasına ("Aqorda") istinadən məlumat yayıb.
Qeyd olunub ki, Kasım-Jomart Tokayev Azərbaycan Prezidenti İlham Əliyevi 2024-cü ildə BMT-nin İqlim Dəyişikliyi üzrə Çərçivə Konvensiyasının Tərəflərinin 29-cu Konfransına ev sahibliyi edən ölkə kimi Azərbaycanın seçilməsi münasibətilə təbrik edib.
Tokayev təbrik teleqramında vurğulayıb ki, Qazaxıstan hərtərəfli yardım göstərməyə və COP29-un uğurlu və səmərəli keçirilməsində fəal iştirak etməyə hazırdır.
