Sabirabad rayonunda ağır yol qəzası baş verib.
“Report”un Aran bürosunun məlumatına görə, hadisə şəhərin S. Vurğun küçəsində qeydə alınıb.
Belə ki, “VAZ-2107” markalı avtomobil digər nəqliyyat vasitəsilə toqquşub.
Qəza nəticəsində Sabirabad rayon sakinləri, 1985-ci il təvəllüdlü Dəmirov Amid Ədalət oğlu və 1966-cı il təvəllüdlü Cabbarov Qiyas Bünyat oğlu xəsarət alıb.
Yaralılar Sabirabad Rayon Mərkəzi Xəstəxanasına çatdırılıblar.
Faktla bağlı araşdırma aparılır.
