Gəncə sakininin silahla ehtiyatsız davrandığı üçün özünə xəsarət yetirdiyi müəyyənləşib.
"Report"un məlumatına görə, Vüqar Ələsgər oğlu Hüseynov Gəncə Şəhər Baş Polis İdarəsinin Qeydiyat və Şəxsiyyət Vəsiqəsi Xidmətinin inspektoru, polis baş leytenantıdır.
Onun qarın boşluğundan güllə yarası aldığı və vəziyyətinin normal olduğu bildirilir.
*** 18:11
Gəncə şəhərində güllələnən şəxsin kimliyi məlum olub.
"Report"un məlumatına görə, bu, Gəncə şəhər sakini, 1983-cü il təvəllüdlü Vüqar Hüseynovdur.
*** 17:25
Gəncə şəhər sakini güllələnib.
"Report"un məlumatına görə, hələ ki şəxsiyyəti məlum olmayan şəxs güllə yarası ilə xəstəxanaya yerləşdirilib.
Hadisənin hansı şəraitdə baş verdiyi hələ ki məlum deyil.
Faktla bağlı araşdırma aparılır.
