Ukraynanın cənub-şərqində yerləşən Avropanın ən böyük atom elektrik stansiyasına (AES) raket hücumu nəticəsində Ukrayna enerji sistemi ilə AES arasında sonuncu əlaqə də kəsilib. Bundan başqa, paytaxt Kiyev başda olmaqla bir çox şəhərlərdə enerji obyektləri hədəfə alınıb.
Demokrat.az xəbər verir ki, Ukraynanın Milli Nüvə Enerjisi İstehsalı Korporasiyası rəsmi Telegram hesabında martın 9-da yerli vaxtla saat 04:53-də Zaporoji Atom Elektrik Stansiyasının raketlə hədəfə alındığını bildirib.
Hücum nəticəsində Ukraynanın enerji sistemi ilə atom elektrik stansiyası arasında sonuncu əlaqənin kəsildiyi deyilir.
Açıqlamada qeyd olunur: “Hazırda stansiya işğal zamanı 6-cı dəfə işıqlandırma rejiminə keçib. 5-ci və 6-cı enerji blokları soyuq vəziyyətdə yerləşdirilib. Zaporoji Atom Elektrik Stansiyasının tələblərinə cavab vermək üçün 18 dizel generatoru işə salınıb. Sadəcə 10 günlük yanacaq qalıb. Bu müddət ərzində stansiyanın xarici enerji təchizatı yenilənməsə, bütün dünya üçün radiasiya fəsadları olan qəza baş verə bilər. Hazırda komandalar nasazlıqları aradan qaldırmaq üçün çalışır".
Aysu Demokrat.az
