Lerik rayonunda zəlzələ olub.
Bu barədə Demokrat.az-a AMEA nəzdində Respublika Seysmoloji Xidmət Mərkəzindən (RSXM) bildirilib.
Qeyd edilib ki, zəlzələlərin tədqiqatı bürosunun məlumatına əsasən, yeraltı təkan yerli vaxtla saat 11:25-də Yardımlı stansiyasından 22 km cənub-şərqdə qeydə alınıb.
Maqnitudası 3.1, dərinliyi 27 km olan zəlzələ hiss edilməyib.
Xatırladaq ki, bu gün yerli vaxtla saat 06:25-də İmişli rayonunda da zəlzələ olub.
08:46
Zəlzələlərin tədqiqatı bürosunun məlumatına əsasən, yerli vaxtla saat 06:25-də Saatlı stansiyasından 20 kilometr şimal-qərbdə, İmişli rayonunda zəlzələ qeydə alınıb.
Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Demokrat.az-a bildirilib ki, zəlzələnin ocağı 52 kilometr dərinlikdə yerləşib.
Maqnitudası 3,6-ya bərabər olan zəlzələ episentrdə hiss olunmayıb.
