“Azərbaycan ərazisi olan Laçın şəhərində Rusiya sülhməramlıları tərəfindən SSRİ bayrağının qaldırılması birmənalı olaraq Azərbaycana qarşı törədilən təxribatdır”.
Bu fikirləri Demokrat.az-a açıqlamasında hərbi ekspert Ədalət Verdiyev deyib.
Ekspert qeyd edib ki, əfsuslar olsun ki, biz dəfələrlə rus sülhməramlılarının müvəqqəti olduğu ərazilərdə və ya onların gözü qarşısında erməni silahlılarının təxribatları ilə rastlaşmışıq: “Amma bunların müsbət nəticələrini də izləməmişik. Ümid edirik ki, bu dəfə fərqli olacaq. Aidiyyatı qurumlarımız, o cümlədən də sülhməramlılar ilə fəaliyyətləri tənzimləyən strukturlar mütləq bu barədə Rusiyadan ciddi izahat tələb etməli, ən qısa zamanda bu bayrağın oradan yığışdırılmasına nail olunmalıdır”.
Aynurə Pənahqızı Demokrat.az
