Ukraynanın Yavorov poliqonunda (Lvov vilayəti) yerləşən Beynəlxalq Sülhməramlı və Təhlükəsizlik Mərkəzinə raket hücumu nəticəsində 35 nəfər həlak olub, daha 134 nəfər yaralanıb.
Demokrat.az "Unian.net"-ə istinadən xəbər verir ki, bu barədə Lvov hərbi vilayət administrasiyasının rəhbəri Maksim Koziski bildirib.
Mərkəzin ərazisindəki bütün yanğınlar söndürülüb, partlayıcı maddələr üzrə ekspertlər və digər mütəxəssislər əraziyə əlavə baxış keçirir, dağıntıların böyük hissəsi təmizlənib.
"Təəssüf ki, biz daha çox qəhrəman itirdik: sülhməramlılar və təhlükəsizlik mərkəzinin atəşə tutulması nəticəsində 35 nəfər həlak olub. Daha 134 nəfər müxtəlif dərəcəli xəsarətlərlə xəstəxanaya yerləşdirilib”, - Koziski qeyd edib.
