Pauerliftinq üzrə millimizin aparıcı üzvlərindən ikisi Azərbaycan Milli Antidopinq Agentliyinin (AMADA) qərarından şikayət edib.
Demokrat.az xəbər verir ki, bunlar Azərbaycan çempionu olmuş idmançılardır. Onların qanında qanunla qadağan olunmuş stereoid maddəsi tapılıb.
Hər iki idmançı yerli və beynəlxalq yarışlarda onlardan heç vaxt dopinq test götürülmədiyini və bu səbəbdən bunun qanunla qadağan edildiyini bilmədiyini bildirib. Həmçinin onlar niyə ancaq çempionlardan dopinq test götürüldüyünə etiraz edərək apellyasiya instansiyasına müraciət edib.
Bundan başqa, digər Azərbaycan çempionu olan üç idmançıda da dopinq testin nəticəsi pozitiv çıxıb. Daha 1 idmançı isə test verməkdən imtina edib.
Qeyd edək ki, AMADA-nın direktoru Şəfəq Hüseynli dekabr ayında qurumun verdiyi hesabat xarakterli mətbuat konfransında 5 pauerlifterdə dopinq tapıldığını bildirsə də, adları açıqlamayıb.(oxu.az)
