Ərdoğan müxalifətin mitinqinə reaksiya verdi

REGİON 04 dek 2021, 23:03
Türkiyə prezidenti Rəcəb Tayyib Ərdoğan Xalq Cümhuriyyət Partiyasının lideri Kamal Kılıçdaroğliunun iştirakı ilə Mersində keçirilən mitinqə münasibət bildirib.

Demokrat.az xəbər verir ki, Ərdoğan ölkənin cənub-şərqindəki Siirt şəhərində tərəfdarları qarşısında çıxışı zamanı bildirib ki, onun mitinqinə Xalq Cümhuriyyət Partiyasının mitinqindən daha çox adam gəlib.

"O (Kılıçdaroğlu) Mersində bizim Siirtdəki qədər insan toplaya bilmədi. Bizdən daha geniş bir ərazi ayırmağı xahiş etdi, amma heç olmasa onu doldursun", - Ərdoğan deyib.

Türkiyə lideri vətəndaşları milli iqtisadiyyata inamı qorumağa çağırıb: "Biz gələn ilin birinci yarısında qiymət konyukturasının sabitləşməsinə nail olacağıq və istənilən ədalətsiz qiymət artımına qarşı qətiyyətlə mübarizə aparacağıq".

Bundan əvvəl Türkiyənin əsas müxalifət partiyalarının liderləri Ərdoğanı lirənin məzənnəsinin rekord dərəcədə aşağı düşməsi fonunda erkən seçkilərə çağırıblar. O israrla vurğulayıb ki, Türkiyədə prezident və parlament seçkiləri planlaşdırıldığı kimi 2023-cü ilin iyununda keçiriləcək./"Report"
 

DİGƏR XƏBƏRLƏR

XƏBƏR LENTİ
18 yan 2022, 18:50
Top