Saakaşvili aclıq aksiyasını dayandırmaq üçün şərtlərini açıqladı

GÜNDƏM 11 noy 2021, 22:26

Saxlanıldıqdan sonra 42-ci gündür həbsxanada aclıq aksiyası keçirən Gürcüstanın keçmiş prezidenti Mixeil Saakaşvili bu gün aclıq aksiyasını dayandırmaq qərarına gəldiyini, lakin müəyyən şərtlərlə bunu edəcəyini açıqlayıb.

Bu  barədə o öz rəsmi Facebook səhifəsində dərc olunan məktubunda bildirib.

"Strasburq məhkəməsinin və Qərb tərəfdaşlarının müraciətini nəzərə alaraq aclıq aksiyasını dayandırmaq qərarına gəldim. Lakin bunun üçün şərtlər var", - deyə məktubda bildirilir.

Yazıda qeyd olunur ki, aclıq aksiyası bitirdikdən sonra o, mülki klinikada reabilitasiya dövrü keçməlidir.

Saakaşvili vurğulayır ki, aclıq aksiyasını dayandırmaq kifayət qədər mürəkkəb prosessdir və həbsxana xəstəxanasında texniki şərait, ixtisaslı tibb işçiləri və təhlükəsizlik təminatları yoxdur, ona görə də o, mülki klinikaya köçirilməlidir.

DİGƏR XƏBƏRLƏR

XƏBƏR LENTİ
Top