Bakıda tarixi məscid dağılır — VİDEO


SOSİAL 18 iyn 2021, 09:35
Abşeron rayonunun Novxanı qəsəbəsindəkı "Şah Sultan Hüseyn" məscidi bir zamanlar qədim yaşayış məskəninin mərkəzi olub. İndi isə baxımsız vəziyyətdədir. Gözdən-könüldən uzaq düşüb. Əvvəl ibadət yeri  kimi üz tutulan məscidə, təəssüf ki, bu gün tullantıları atmaq üçün  gedilir.

Qədimi məscid baxımsız qalıb.

Məscid 17-ci əsrdə Səfəvi hökmdarlarından olan Şah Sultan Hüseynin göstərişi ilə inşa edilib. Birmərtəbəli, kürsülü tikilən məscid 4 otaqdan ibarət olub. Qəsəbə sakinlərinin sözlərinə görə, bir müddət öncəyə qədər üzərində balaca bir lövhəsi də olub.  İndi o belə yoxdur. Artıq bura davamlı olaraq zibil atılır.

Məsələ ilə bağlı Novxanı Bələdiyyəsinə getdik. Qurumdan bildirildi ki, məscidin bərpası ilə bağlı heç nə deyə bilməzlər. Yenidənqurma işləri Mədəniyyət nazirliyi tərəfindən aparıla bilər. Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynli isə "XəzərXəbər"ə bildirdi ki, məsələ dövlət xidməti tərəfindən nəzarətə götürülərək tez bir zamanda həll olunacaq.

Qeyd edək ki, məscid Nazirlər Kabinetinin  2 avqust 2021-ci il tarixli qərarı ilə  dövlət tərəfindən mühafizə olunan daşınmaz tarixi mədəniyyət abidələri siyahısına yerli memarlıq abidəsi kimi daxil edilib.



Demokrat.az
 


DİGƏR XƏBƏRLƏR

XƏBƏR LENTİ
19 sen 2021, 08:30
Top