"Barselona"nın Messiyə yeni müqavilə təklif edəcəyi vaxt müəyyənləşdi


İDMAN 22 may 2021, 22:35
İspaniyanın "Barselona" klubunun ulduz futbolçusu Lionel Messiyə yeni müqavilə təklif edəcəyi vaxt müəyyənləşib.

"Report" "Marca"ya istinadən xəbər verir ki, Kataloniya təmsilçisi audit yoxlaması başa çatdıqdan sonra 34 yaşlı hücumçu ilə danışıqlara start verəcək.

Ardınca klubun argentinalı oyunçuya nə qədər pul ayıra biləcəyi bəlli olacaq. "Barselona"da audit yoxlaması mayın sonunda yekunlaşacaq.

Qeyd edək ki, Lionel Messinin "Barselona" ilə sözləşməsi iyunda bitəcək. Onunla Fransanın PSJ və İngiltərənin "Mançester Siti" klubları maraqlanır. Forvard bu gün La Liqanın XXXVIII - sonuncu turunda "Eybar"la oyunda iştirak etməyəcək. Messi cari mövsüm bütün turnirlər daxil olmaqla 47 matçda iştirak edib və 38 qol vurub.

Demokrat.az


DİGƏR XƏBƏRLƏR

XƏBƏR LENTİ
Top