iPhone" istifadəçilərinin ekranın yuxarı hissəsində, batareya göstəricisinin yanında gördüyü qayçı işarəsi əslində gizli funksiya deyil. Bu simvol “Fokuslanma” rejimi ilə əlaqəlidir və istifadəçi tərəfindən əvvəlcədən seçilə bilər.
Demokrat.az xəbər verir ki, bir sıra "iPhone" sahibləri bu işarənin haradan yarandığını anlamadıqları üçün məsələni sosial şəbəkələrdə müzakirəyə çıxarıblar. "Reddit" platformasında bununla bağlı paylaşım yüzlərlə reaksiya toplayıb və bəzi istifadəçilər belə ikonla ilk dəfə qarşılaşdıqlarını bildiriblər.
Məlum olub ki, qayçı işarəsi “Fokuslanma” funksiyası üçün seçilmiş emojidir. Bu funksiya istifadəçiyə müəyyən vəziyyətlərdə telefonun fəaliyyətini dəyişməyə və diqqəti yayındıran amilləri azaltmağa imkan verir.
Məsələn, iş, yuxu, idman, istirahət və şəxsi vaxt üçün ayrıca fokuslanma rejimləri yaratmaq mümkündür. Aktiv rejim zamanı müəyyən bildirişlər bloklana, yalnız seçilmiş şəxslərdən və tətbiqlərdən gələn məlumatlara icazə verilə bilər.
İstifadəçi həmçinin həmin rejim üçün xüsusi ana ekran səhifəsi, tətbiqlər və vidjetlər müəyyənləşdirə bilər.
Qayçı emojisi "iPhone"un standart sistem simvolu deyil. İstifadəçi yaratdığı “Fokuslanma” rejimi üçün istənilən uyğun emojini seçə bilər. Məsələn, əl işi, tikiş və ya saç kəsimi ilə bağlı xüsusi rejim yaradılarkən qayçı emojisini təyin etmək mümkündür.
Bunun üçün “Parametrlər” bölməsinə daxil olaraq “Fokuslanma” seçilməli, daha sonra yuxarı sağ küncdəki “+” düyməsinə toxunulmalıdır. İstifadəçi yeni rejimin adını, rəngini və emojisını seçdikdən sonra bildirişlər və rejimin aktivləşmə vaxtı ilə bağlı qaydaları da müəyyən edə bilər.
Beləliklə, ekranda görünən qayçı işarəsi hər hansı nasazlıq və ya yeni gizli funksiya deyil, istifadəçinin özünün yaratdığı fərdi “Fokuslanma” rejiminin göstəricisidir.
Jalə
Demokrat.az
Demokrat.az xəbər verir ki, bir sıra "iPhone" sahibləri bu işarənin haradan yarandığını anlamadıqları üçün məsələni sosial şəbəkələrdə müzakirəyə çıxarıblar. "Reddit" platformasında bununla bağlı paylaşım yüzlərlə reaksiya toplayıb və bəzi istifadəçilər belə ikonla ilk dəfə qarşılaşdıqlarını bildiriblər.
Məlum olub ki, qayçı işarəsi “Fokuslanma” funksiyası üçün seçilmiş emojidir. Bu funksiya istifadəçiyə müəyyən vəziyyətlərdə telefonun fəaliyyətini dəyişməyə və diqqəti yayındıran amilləri azaltmağa imkan verir.
Məsələn, iş, yuxu, idman, istirahət və şəxsi vaxt üçün ayrıca fokuslanma rejimləri yaratmaq mümkündür. Aktiv rejim zamanı müəyyən bildirişlər bloklana, yalnız seçilmiş şəxslərdən və tətbiqlərdən gələn məlumatlara icazə verilə bilər.
İstifadəçi həmçinin həmin rejim üçün xüsusi ana ekran səhifəsi, tətbiqlər və vidjetlər müəyyənləşdirə bilər.
Qayçı emojisi "iPhone"un standart sistem simvolu deyil. İstifadəçi yaratdığı “Fokuslanma” rejimi üçün istənilən uyğun emojini seçə bilər. Məsələn, əl işi, tikiş və ya saç kəsimi ilə bağlı xüsusi rejim yaradılarkən qayçı emojisini təyin etmək mümkündür.
Bunun üçün “Parametrlər” bölməsinə daxil olaraq “Fokuslanma” seçilməli, daha sonra yuxarı sağ küncdəki “+” düyməsinə toxunulmalıdır. İstifadəçi yeni rejimin adını, rəngini və emojisını seçdikdən sonra bildirişlər və rejimin aktivləşmə vaxtı ilə bağlı qaydaları da müəyyən edə bilər.
Beləliklə, ekranda görünən qayçı işarəsi hər hansı nasazlıq və ya yeni gizli funksiya deyil, istifadəçinin özünün yaratdığı fərdi “Fokuslanma” rejiminin göstəricisidir.
Jalə
Demokrat.az
