"Qız qaçırmaq nə dinimizdə, nə də qanunlarımızda qəbul edilən bir davranış deyil. Qurani-Kərimdə ailə yalnız sevgi, mərhəmət və qarşılıqlı razılıq üzərində qurulur. Allah-Taala buyurur: “Onlarla yaxşı dolanın” (Nisa, 19). Bu ayə qadının məcburiyyətə deyil, razılığa əsaslanan münasibətdə yer almasını tələb edir. Peyğəmbərimiz (s) də buyurmuşdur: “Bakirə qızın icazəsi olmadan, dul qadının isə açıq razılığı olmadan evləndirilə bilməz” (Buxari, Nikah, 42)".
Bu sözləri Demokrat.az-a açıqlamasında ilahiyyatçı Əkrəm Həsənov deyib.
O bildirib ki, İslam alimlərinin yekdil qənaəti budur ki, qadının razılığı olmadan qurulan nikah etibarsızdır:
"Hətta İmam Əbu Hənifə, İmam Malik və digər fiqh imamları bu məsələdə razılığın şərt olduğunu vurğulamış, məcbur evliliyi şəriət baxımından batil saymışlar.
İslamda ailə müqəddəsdir, onun əsası isə məhəbbət, hörmət və könüllü seçimdir. Məcbur edilən nikahda nə sevgi olar, nə də bərəkət. Qız qaçırmaq qadını mal kimi görmək, onun iradəsini tapdalamaq, şəxsiyyətinə hörmətsizlik etmək deməkdir. Bu isə həm şəriətə, həm də insan haqlarına ziddir. Peyğəmbərimiz (s) qadınların hüquqlarını qorumağı və onların razılığını əsas götürməyi əmr etmişdir.
Burada söhbət təkcə qadının özündən getmir, onun olduğu bölgə, onun yaşadığı dövlət, onun böyükləri, atası, anası, onlardan əvvəl onun həm atasının, həm anasının üzərində haqqı olan həmin qızın babalarının, nənənələrinin, həm ata tərəfdən olan, həm ana tərəfdən olan babalarının, nənələrinin razılığı qorunmalıdır. Böyüklərə hörmət göstərilməlidir.
Məsələnin hüquqi tərəfi də açıqdır".
İlahiyyatçı deyib ki, Azərbaycan Respublikasının qanunvericiliyinə görə qız qaçırmaq cinayətdir və bu əməl dövlət tərəfindən ağır şəkildə cəzalandırılır:
"Cinayət Məcəlləsinin müvafiq maddələrinə əsasən, insanı iradəsinə zidd olaraq azadlıqdan məhrum etmək, zorla evliliyə məcbur etmək, insan alverinə bənzər hərəkətlər kimi qiymətləndirilir və buna görə azadlıqdan məhrumetməyə qədər məsuliyyət daşıyır. Dövlət qanunu qadınların hüquqlarını qoruyur və bu məsələdə güzəşt yoxdur.Bəzən bölgələrdə bu əməl “adət-ənənə” adı ilə müdafiə edilməyə çalışılır, lakin İslam dini heç bir adət və ənənəni zorakılığa bəraət qazandırmaq üçün qəbul etmir. Əksinə, Qurani-Kərimdə buyurulur: “Heç kəsin günahını başqa birisi daşımaz” (Ənam, 164). Bu ayədən də görünür ki, hər kəs öz əməlinə görə məsuliyyət daşıyır və heç kim “adət” və ya “dini pərdə” arxasında bu günahı gizlədə bilməz.
Beləliklə, qız qaçırmaq həm günahdır, həm də cinayətdir. Bu yol nə dinimizin qəbul etdiyi yoldur, nə də dövlətimizin. Əgər bir gənc həqiqətən bir qızı sevirsə, doğru yol onun ailəsinə halal şəkildə elçi düşmək, həm qızın, həm də valideynlərin razılığını almaqdır. Yalnız bu halda nikah həm dini baxımdan etibarlı, həm də qanuni baxımdan doğru olar. İslamda zorakılıqla qurulan ailənin əsası möhkəm olmur, məcburiyyətlə bağlanan nikah isə nə dünyada səadət gətirir, nə də axirətdə savab. Doğru yol sevgi, razılıq və halal yoldur, zorla edilən hərəkət isə həm Allah yanında, həm də qanun qarşısında böyük günah və ağır cinayətdir".
Qeyd edək ki, Zərdabda 29 yaşlı oğlan 22 yaşlı qızı zorla qaçırıb.
Əfsanə Kamal
Demokrat.az
Bu sözləri Demokrat.az-a açıqlamasında ilahiyyatçı Əkrəm Həsənov deyib.
O bildirib ki, İslam alimlərinin yekdil qənaəti budur ki, qadının razılığı olmadan qurulan nikah etibarsızdır:
"Hətta İmam Əbu Hənifə, İmam Malik və digər fiqh imamları bu məsələdə razılığın şərt olduğunu vurğulamış, məcbur evliliyi şəriət baxımından batil saymışlar.
İslamda ailə müqəddəsdir, onun əsası isə məhəbbət, hörmət və könüllü seçimdir. Məcbur edilən nikahda nə sevgi olar, nə də bərəkət. Qız qaçırmaq qadını mal kimi görmək, onun iradəsini tapdalamaq, şəxsiyyətinə hörmətsizlik etmək deməkdir. Bu isə həm şəriətə, həm də insan haqlarına ziddir. Peyğəmbərimiz (s) qadınların hüquqlarını qorumağı və onların razılığını əsas götürməyi əmr etmişdir.
Burada söhbət təkcə qadının özündən getmir, onun olduğu bölgə, onun yaşadığı dövlət, onun böyükləri, atası, anası, onlardan əvvəl onun həm atasının, həm anasının üzərində haqqı olan həmin qızın babalarının, nənənələrinin, həm ata tərəfdən olan, həm ana tərəfdən olan babalarının, nənələrinin razılığı qorunmalıdır. Böyüklərə hörmət göstərilməlidir.
Məsələnin hüquqi tərəfi də açıqdır".
İlahiyyatçı deyib ki, Azərbaycan Respublikasının qanunvericiliyinə görə qız qaçırmaq cinayətdir və bu əməl dövlət tərəfindən ağır şəkildə cəzalandırılır:
"Cinayət Məcəlləsinin müvafiq maddələrinə əsasən, insanı iradəsinə zidd olaraq azadlıqdan məhrum etmək, zorla evliliyə məcbur etmək, insan alverinə bənzər hərəkətlər kimi qiymətləndirilir və buna görə azadlıqdan məhrumetməyə qədər məsuliyyət daşıyır. Dövlət qanunu qadınların hüquqlarını qoruyur və bu məsələdə güzəşt yoxdur.Bəzən bölgələrdə bu əməl “adət-ənənə” adı ilə müdafiə edilməyə çalışılır, lakin İslam dini heç bir adət və ənənəni zorakılığa bəraət qazandırmaq üçün qəbul etmir. Əksinə, Qurani-Kərimdə buyurulur: “Heç kəsin günahını başqa birisi daşımaz” (Ənam, 164). Bu ayədən də görünür ki, hər kəs öz əməlinə görə məsuliyyət daşıyır və heç kim “adət” və ya “dini pərdə” arxasında bu günahı gizlədə bilməz.
Beləliklə, qız qaçırmaq həm günahdır, həm də cinayətdir. Bu yol nə dinimizin qəbul etdiyi yoldur, nə də dövlətimizin. Əgər bir gənc həqiqətən bir qızı sevirsə, doğru yol onun ailəsinə halal şəkildə elçi düşmək, həm qızın, həm də valideynlərin razılığını almaqdır. Yalnız bu halda nikah həm dini baxımdan etibarlı, həm də qanuni baxımdan doğru olar. İslamda zorakılıqla qurulan ailənin əsası möhkəm olmur, məcburiyyətlə bağlanan nikah isə nə dünyada səadət gətirir, nə də axirətdə savab. Doğru yol sevgi, razılıq və halal yoldur, zorla edilən hərəkət isə həm Allah yanında, həm də qanun qarşısında böyük günah və ağır cinayətdir".
Qeyd edək ki, Zərdabda 29 yaşlı oğlan 22 yaşlı qızı zorla qaçırıb.
Əfsanə Kamal
Demokrat.az
