Müğənni Natavan Həbibi formada qalmasının sirrini açıqlayıb.
Axşam.az xəbər verir ki, bu barədə sənətçi "Xəzər axşamı" verilişində danışıb:
"Hər gün idman edirəm. Bu, həyat tərzimdir. Fitneslə məşğul oluram və hər gün dartınma hərəkətlərini edirəm. Dartınma hərəkətlərini etməsəm, tərpənə bilmirəm. Evimdə bütün trenajor alətləri var. Amma onlara çox nadir hallarda müraciət edirəm. Daha çox dartınma hərəkətləri və rəqs edirəm. Güzgünün qabağında özünüzə baxa-baxa rəqs edin. Dj setlərini qoşuram və onlara oynayıram. Gün ərzində 15 dəqiqə kifayət edir. Bir də ki, qaynar su için. Yemək məsələsinə gəlincə isə rasionumda hər şey var. Hər gün küftə, boz-baş, tort yeyirəm".
