Böyük Britaniyanın baş Naziri Keir Starmer Suriyada Bəşər Əsəd rejiminin süqutunu alqışlayıb.
Demokrat.az BBC-yə istinadən xəbər verir ki, o, bu hadisənin Suriya xalqı üçün yeni bir ümid və sülh dövrünün başlanğıcı ola biləcəyini vurğulayıb.
Baş nazir bəyanatında deyib: “Bəşər Əsədin barbar rejiminin süqutunu alqışlayırıq. İndi əsas prioritet Suriyada uzunmüddətli sülh və sabitliyin təmin edilməsidir. Böyük Britaniya beynəlxalq tərəfdaşlarla birlikdə bu məqsədin reallaşdırılması üçün çalışacaq”.
Böyük Britaniya hökuməti Suriyada demokratiyanın və insan hüquqlarının bərpası istiqamətində beynəlxalq əməkdaşlığı davam etdirəcəyini qeyd edib.
