Arif Paşayev İlham Əliyevi belə TƏBRİK ETDİ

GÜNDƏM 15 fev 2024, 12:35
Milli Aviasiya Akademiyasının rektoru, akademik Arif Paşayev Azərbaycan Respublikasının Prezidenti İlham Əliyevi yenidən dövlət başçısı seşilməsi münasibətilə təbrik edib.

Demokrat.az xəbər verir ki, Arif Paşayev İlham Əliyevə təbrikini Prezidentin saytı vasitəsilə ünvanlayıb.

Təbrikdə deyilir:

“Cənab Prezident, Ali Baş Komandan!

7 fevral 2024-cü il tarixində Azərbaycanda keçirilən növbədənkənar prezident seçkilərində inamlı qələbə qazanmağınız münasibətilə Sizi Milli Aviasiya Akademiyasının kollektivi adından təbrik edirəm.

Azərbaycan xalqı, dünya azərbaycanlıları yenidən “dəmir yumruq” ətrafında birləşərək vəhdət nümayiş etdirdi, sabitliyə, inkişafa, tərəqqiyə, müstəqil siyasətə səs verdi. Milli Aviasiya Akademiyasında yaradılmış 13 saylı Xəzər ikinci seçki dairəsinin 8 nömrəli məntəqəsində də seçicilərin fəallığı müşahidə olunmuş və qalib xalq qalib Liderini seçmişdir.

Sabitlik, əmin-amanlıq şəraitində yaşayan xalqımız bu uğur yoluna bir daha “davam!” dedi. Açıq, şəffaf, ədalətli şəkildə keçirilmiş seçkilər Azərbaycan xalqının iradəsini əks etdirdi.

Sizə bu çətin və şərəfli yolunuzda yeni-yeni nailiyyətlər, tükənməz enerji, “dəmir yumruğ”un daim yerində olmasını, sülh, əmin-amanlıq arzulayırıq”.

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top