Bu gün Salyan rayon Gənclər və İdman İdarəsinin təşkilatçılığı ilə Salyan rayon Tarix-Diyarşünaslıq Muzeyində 26 iyun Azərbaycan Silahlı Qüvvələri günü münasibətilə “Ordum varsa, yurdum var” adlı görüş keçirilmişdir.
Demokrat.az xəbər verir ki, ilk öncə torpaqlarımızın azadlığı uğrunda öz canlarından keçən şəhidlərimizin əziz xatirəsi bir dəqiqəlik sükutla yad edildi.
Tədbirdə çıxış edən Salyan rayon Gənclər və İdman İdarəsinin rəisi Araz Hüseynov tədbir iştirakçılarını salamlayaraq bildirdi ki, gənclər siyasətinin ən mühüm istiqamətlərindən biri kimi ölkəmizdə gənc nəslin vətənpərvər ruhda tərbiyəsi daim diqqət mərkəzindədir. Bu sahədə həyata keçirilən kütləvi tədbirlər, maarifləndirmə və təbliğat işləri bilavasitə gənclərin mənəvi, fiziki, psixoloji hazırlığının təmin edilməsinə, onlarda Vətənə, doğma torpağa məhəbbət hissinin yüksəldilməsinə, eləcə də müasir dünyamızda qloballaşmanın geniş vüsət aldığı bir zamanda milli-mənəvi dəyərlərin qorunub saxlanmasına yönəldilir.
Tədbirdə çıxış edən Vətən müharibəsi şəhidi Xüsusi Təyinatlı Qüvvələrin kapitanı Kamil Şirinovun atası, keçmiş hərbçi Əliş Şirinov bildirdi ki, Azərbaycan Ordusu Prezident, Müzəffər Ali Baş Komandan İlham Əliyevin rəhbərliyi ilə 44 günlük Vətən müharibəsində hərb tarixinin yeni və şanlı salnaməsini yazdı. Rəşadətli Ordumuzun şücaəti, Vətən torpaqları uğrunda apardığı ölüm-dirim savaşı sayəsində ərazi bütövlüyümüz bərpa olundu, haqq, ədalət öz yerini tapdı.
Tədbirdə çıxış edən Qarabağ qazisi, Salyan rayon 8 saylı tam orta məktəbin hərbi rəhbəri Zamiq Əsgərov bildirdi ki, 1992-ci il oktyabrın 9-da isə silahlı qüvvələrimizin Bakıda ilk hərbi paradı keçirilib. Prezident Heydər Əliyevin 22 may 1998-ci il Sərəncamına əsasən, Əlahiddə Azərbaycan Korpusunun yarandığı gün – 26 iyun Azərbaycan Respublikasının Silahlı Qüvvələr Günü elan olundu və hər il bu tarix rəsmi dövlət bayramı kimi qeyd edilir. Bu il ordumuzun yaradılmasında 104 il ötür.
Tədbirdə çıxış edən Salyan rayon Tarix Diyarşünaslıq Muzeyinin direktoru Rəfiqə Ağabəyli Bildirdi ki, dünyanın 50 ən güclü ordusu sırasında olan ordumuz 44 günlük Vətən müharibəsində öz qüdrətini dünyaya göstərdi. Azərbaycanda ordu quruculuğu istiqamətində həyata keçirilən islahatlar silahlı qüvvələrin nizami ordu kimi formalaşdırılması prosesini hərbi-elmi baxımdan yüksək səviyyədə tamamladı.
Daha sonra Salyan rayon Gənclər və İdman İdarəsi tərəfindən 26 İyun Silahlı Qüvvələr Gününə həsr edilmiş videoçarx nümayiş etdirilir. Tədbirin sonunda 26 İyun Silahlı Qüvvələr Günü münasibəti ilə Vətən müharibəsi şəhidi Xüsusi Təyinatlı Qüvvələrin kapitanı Kamil Şirinovun atası, keçmiş hərbçi Əliş Şirinov Qarabağ qazisi, Salyan rayon 8 saylı tam orta məktəbin hərbi rəhbəri Zamiq Əsgərov, Qarabağ qazisi kapitan Vasif Abdullayev Salyan rayon Gənclər və İdman İdarəsinin fəxri fərmanları ilə, Salyan rayon 8 saylı tam orta məktəbin hərbi rəhbəri Zamiq Əsgərovun rəhbərliyi ilə "Şahin" hərbi idman oyununun Sabirabad rayonunda keçirilmiş regional zona birinciliyində II yeri tutmuş və Respublika Final mərhələsində uğurla iştirak etmiş Salyan komandasının üzvləri isə Salyan rayon Gənclər və İdman İdarəsinin diplomları ilə təltif olundular.
Məlik
Demokrat.az
Demokrat.az xəbər verir ki, ilk öncə torpaqlarımızın azadlığı uğrunda öz canlarından keçən şəhidlərimizin əziz xatirəsi bir dəqiqəlik sükutla yad edildi.
Tədbirdə çıxış edən Salyan rayon Gənclər və İdman İdarəsinin rəisi Araz Hüseynov tədbir iştirakçılarını salamlayaraq bildirdi ki, gənclər siyasətinin ən mühüm istiqamətlərindən biri kimi ölkəmizdə gənc nəslin vətənpərvər ruhda tərbiyəsi daim diqqət mərkəzindədir. Bu sahədə həyata keçirilən kütləvi tədbirlər, maarifləndirmə və təbliğat işləri bilavasitə gənclərin mənəvi, fiziki, psixoloji hazırlığının təmin edilməsinə, onlarda Vətənə, doğma torpağa məhəbbət hissinin yüksəldilməsinə, eləcə də müasir dünyamızda qloballaşmanın geniş vüsət aldığı bir zamanda milli-mənəvi dəyərlərin qorunub saxlanmasına yönəldilir.
Tədbirdə çıxış edən Vətən müharibəsi şəhidi Xüsusi Təyinatlı Qüvvələrin kapitanı Kamil Şirinovun atası, keçmiş hərbçi Əliş Şirinov bildirdi ki, Azərbaycan Ordusu Prezident, Müzəffər Ali Baş Komandan İlham Əliyevin rəhbərliyi ilə 44 günlük Vətən müharibəsində hərb tarixinin yeni və şanlı salnaməsini yazdı. Rəşadətli Ordumuzun şücaəti, Vətən torpaqları uğrunda apardığı ölüm-dirim savaşı sayəsində ərazi bütövlüyümüz bərpa olundu, haqq, ədalət öz yerini tapdı.
Tədbirdə çıxış edən Qarabağ qazisi, Salyan rayon 8 saylı tam orta məktəbin hərbi rəhbəri Zamiq Əsgərov bildirdi ki, 1992-ci il oktyabrın 9-da isə silahlı qüvvələrimizin Bakıda ilk hərbi paradı keçirilib. Prezident Heydər Əliyevin 22 may 1998-ci il Sərəncamına əsasən, Əlahiddə Azərbaycan Korpusunun yarandığı gün – 26 iyun Azərbaycan Respublikasının Silahlı Qüvvələr Günü elan olundu və hər il bu tarix rəsmi dövlət bayramı kimi qeyd edilir. Bu il ordumuzun yaradılmasında 104 il ötür.
Tədbirdə çıxış edən Salyan rayon Tarix Diyarşünaslıq Muzeyinin direktoru Rəfiqə Ağabəyli Bildirdi ki, dünyanın 50 ən güclü ordusu sırasında olan ordumuz 44 günlük Vətən müharibəsində öz qüdrətini dünyaya göstərdi. Azərbaycanda ordu quruculuğu istiqamətində həyata keçirilən islahatlar silahlı qüvvələrin nizami ordu kimi formalaşdırılması prosesini hərbi-elmi baxımdan yüksək səviyyədə tamamladı.
Daha sonra Salyan rayon Gənclər və İdman İdarəsi tərəfindən 26 İyun Silahlı Qüvvələr Gününə həsr edilmiş videoçarx nümayiş etdirilir. Tədbirin sonunda 26 İyun Silahlı Qüvvələr Günü münasibəti ilə Vətən müharibəsi şəhidi Xüsusi Təyinatlı Qüvvələrin kapitanı Kamil Şirinovun atası, keçmiş hərbçi Əliş Şirinov Qarabağ qazisi, Salyan rayon 8 saylı tam orta məktəbin hərbi rəhbəri Zamiq Əsgərov, Qarabağ qazisi kapitan Vasif Abdullayev Salyan rayon Gənclər və İdman İdarəsinin fəxri fərmanları ilə, Salyan rayon 8 saylı tam orta məktəbin hərbi rəhbəri Zamiq Əsgərovun rəhbərliyi ilə "Şahin" hərbi idman oyununun Sabirabad rayonunda keçirilmiş regional zona birinciliyində II yeri tutmuş və Respublika Final mərhələsində uğurla iştirak etmiş Salyan komandasının üzvləri isə Salyan rayon Gənclər və İdman İdarəsinin diplomları ilə təltif olundular.
Məlik
Demokrat.az