"APA Holdinq"-in keçmiş rəhbəri Vüsalə Mahirqızı şirkətin fəaliyyətini bərpa edəcəyi barədə xəbərə münasibət bildirib.
V.Mahirqızı Demokrat.az-a açıqlamasında xəbərin doğru olmadığını söyləyib.
O, "APA Holdinq" fəaliyyətini bərpa edəcəyi barədə xəbərin səhv olduğunu deyib:
"Hazırda bizim fəaliyyətimiz var, ancaq bu media sahəsində deyil. "APA Holdinq"-in bərpa olunacağı barədə xəbərlər səhvdir".
***
Bu il martın 1-dək "APA Holdinq" fəaliyyətini bərpa edəcək.
Bu barədə Demokrat.az-a "APA Holdinq"-in keçmiş əməkdaşlarından məlumat daxil olub.
Məlumata görə, şirkətə rəhbərliyi yenə Vüsalə Mahirqızı edəcək. Artıq "APA Holdinq"-in keçmiş əməkdaşlarının əksəriyyətinə işə qayıtmaları barədə təklif də göndərilib.
"APA Holdinq"-in yeni adla fəaliyyətə başlayacağı gözlənilir.
Xatırladaq ki, 2018-ci il avqustun 1-də "APA Holding" fəaliyyətini dayandırıb.
Zaur Hacılı Demokrat.az
