Bu gün səhər saatlarında Salyan şəhəri, 20 yanvar küçəsi, ev 62-də qaz sızması nəticəsində yanğın hadisəsi baş verib.
Virtualaz.org-un Şirvan bürosunun məlumatına görə, evin sahibəsi - 46 yaşlı baxça müəlliməsi mətbəxdə işığı yandırmaq istəyərkən yanğınla müşayiət olunan partlayış baş verib.
Hadisə nəticəsində qadın yuxarı və aşağı ətrafların, üzün 1-ci, 2-ci və 3-cü dərəcəli yanıq xəsarətləri alıb.
Salyan Mərkəzi Xəstəxanasına yerləşdirilən Ə.Bayramova vəziyyəti ağır olduğu üçün Respublika Yanıq Mərkəzinə köçürülüb.
