128 gün komada qaldıqdan sonra vəfat edən İsmayılzadə Tacəddin Vüqar oğlu bu gün torpağa tapşırılıb. Tacəddin İsmayılzadə Sumqayıtda Şəhidlər Xiyabanında dəfn olunub.
24 yaşlı Tacəddin İsmayılzadə həm də aprel döyüşlərinin iştirakçısı olub. İkinci Qarabağ Müharibəsi başlayan zaman könüllü ön cəbhəyə getmək istəyini bildirib.
Kəşfiyyat bölüyündə xidmət edən şəhidimiz Ağdam, Xocavənd və Füzuli istiqamətində gedən döyüşlərdə iştirak edib. Oktyabrın 9-da Füzulidə başından ağır yaralanıb və komaya düşüb.
Prezident İlham Əliyevin müvafiq sərəncamına əsasən, İsmayılzadə Tacəddin Vüqar oğlu "Cəsur döyüşçü” medalı ilə təltif edilib. Allah rəhmət eləsin!
