2024-cü ildə keçiriləcək Avropa çempionatına ev sahibliyi edəcək ölkənin adı müəyyənləşib.
Ev sahibinin adı UEFA-nın İcraiyyə Komitəsinin İsveçrənin Nyon şəhərində keçirilən iclasından sonra açıqlanıb. Qərara əsasən 2024-cü ildə Avropa çempionatına ev sahibliyi etmək hüququnu Almaniya qazanıb.
Qeyd edək ki, Avro-2024-ə ev sahibliyi etməyə digər namizəd ölkə Türkiyə idi.
Xatırladaq ki, Türkiyə 4 dəfə bu nüfuzlu yarışı keçirmək üçün müraciət etsə də, istədiyinə nail ola bilməyib.
