Çində xilasedicilər ölkənin şərqindəki Futszyan əyalətində çökmüş 6 mərtəbəli hotelin dağıntıları altından 50 nəfəri çıxarıblar.
Demokrat.az xəbər verir ki, bu barədə “Sinçzinbao” nəşri məlumat yayıb.
Qeyd edilir ki, dağıntılar altından çıxarılanlardan 2-i ölüb.
Məlumata görə, 6 mərtəbəli “Xinjia Express” hoteli 2018-ci ildə inşa edilib. Hotelin binası şənbə günü, yerli vaxtla saat 19:15-də çöküb. Dağıntılar altında 70 nəfər qalıb.
Hotel koronavirusa yoluxanlarla təmasda olmuş şəxslər üçün karantin məqsədilə istifadə edilib.(Baku Post)
