Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Avropa İttifaqı Şurasının yüksəkvəzifəli rəsmiləri ilə görüşüb.
Demokrat.az xəbər verir ki, bu barədə Hikmət Hacıyev "X" sosial şəbəkəsində paylaşım edib.
"Avropa İttifaqı Şurası Prezidentinin xarici siyasət üzrə baş müşaviri Anna-Mariya Bura, "DG ENEST"in baş direktoru Gert Yan Koopman və Avropa Komissiyası Prezidentinin baş diplomatik müşaviri Saymon Mordyu ilə keçirilən konstruktiv müzakirələr sayəsində olduqca məhsuldar görüşlər baş tutdu. Tərəflər arasında ortaq maraqlar və strateji prioritetlər barədə fikir mübadiləsi aparıldı. Əsas diqqət enerji təhlükəsizliyi və kommunikasiya əlaqələrinə yönəldilməklə, konkret nəticələr və praktiki təşəbbüslər hesabına Azərbaycan və Avropa İttifaqı arasında tərəfdaşlıq münasibətlərinin daha da genişləndirilməsi yolları müzakirə olundu", - deyə prezidentin köməkçisi bildirib.
Productive day of meetings, marked by constructive discussions with Gert Jan Koopman, Director General, DG ENEST, Ms. Anna-Maria Boura, Chief Foreign Policy Advisor to the President of the European Council, and Mr. Simon Mordue, Chief Diplomatic Adviser to the President of the European Commission. We exchanged views on strategic priorities and shared interests, and discussed ways to further strengthen Azerbaijan-EU partnership through practical initiatives and results with key emphasis on connectivity and energy security.
— Hikmet Hajiyev (@HikmetHajiyev) November 17, 2026


