Demək olar ki, hər mətbəxdə istifadə olunan qazan və tavaların qulpunun ucunda kiçik dəlik olur. Əksəriyyət bu dəliyin yalnız qabları asmaq üçün nəzərdə tutulduğunu düşünür. Lakin onun yemək hazırlayarkən daha bir praktik funksiyası var.
Demokrat.az xəbər verir ki, bu dəlik yemək bişirərkən qaşıq üçün dayaq rolunu oynaya bilər. Qaşığın dəstəyinin ucu dəliyə yerləşdirildikdə, yeməyə toxunan hissəsi qazanın üzərində qalır. Beləliklə, istifadə olunmuş qaşığı mətbəx masasının və ya plitənin üzərinə qoymağa ehtiyac qalmır.
Bu üsul mətbəxin təmiz qalmasına kömək edir və əlavə qaşıqlıqdan istifadə ehtiyacını azaldır.
Bununla belə, hər qaşıq bu məqsəd üçün uyğun deyil. Ən əlverişli seçim taxta qaşıqlardır. İstiliyə davamlı silikon qaşıqlardan da istifadə etmək mümkündür. Plastik və neylon qaşıqlar isə yüksək temperaturun təsiri ilə əriyərək yeməyə və qazana zərər verə bilər.
Qeyd edək ki, qulpun ucundakı dəliyin digər funksiyası da qazan və tavaları asaraq saxlamağı asanlaşdırmaqdır. Bu üsul xüsusilə kiçik mətbəxlərdə yerə qənaət etməyə imkan verir.
