Xəbər verdiyimiz kimi Bakının 28 May ərazisində, "28 Mall" ticarət mərkəzinin yaxınlığında ölüm hadisəsi baş verib.
Məsələ ilə bağlı Bizim.Media-nın sorğusuna cavab olaraq TƏBİB-dən bildirilib ki, bu gün saat 16:50 radələrində Respublika Təcili və Təxirəsalınmaz Tibbi Yardım Mərkəzinə Nəsimi rayonu ərazisindən çağırış qeydə alınıb.
Çağırış ünvanına təcili tibbi yardım briqadası göndərilib.
Təcili tibbi yardım briqadası tərəfindən 1 nəfərin (kişi) həkiməqədər ölüm faktı qeydə alınıb.
Qeyd edək ki, vəfat edən şəxsin 82 yaşlı Türkiyə vətəndaşı olduğu bildirilir.
