Numerologiyaya görə, ayın müəyyən günlərində doğulan insanlar güclü iradə, liderlik bacarığı və yüksək məqsədləri ilə fərqlənə bilərlər. Mütəxəssislərin bu sahədəki simvolik yozumlarına əsasən, xüsusilə iki qrup doğum tarixi qeyri-adi həyat yolu və böyük uğur potensialı ilə əlaqələndirilir.
Demokrat.az xəbər verir ki, bu barədə "Parade" nəşri yazıb.
Birinci qrupa ayın 1, 10, 19 və 28-də doğulanlar daxildir. Numerologiyada bu tarixlər Günəşlə əlaqələndirilir. Günəş həyat enerjisinin, özünəinamın, fərdiliyin və ambisiyaların simvolu hesab olunur. Bu günlərdə doğulan insanların başqalarının ardınca getməkdənsə, öz yollarını seçməyə, bacarıqlarını üzə çıxarmağa və liderlik etməyə meyilli olduqları irəli sürülür.
İkinci qrupa isə ayın 9, 18 və 27-də doğulanlar aid edilir. Numeroloji yozumlarda bu tarixlər Marsla əlaqələndirilir. Mars cəsarət, ehtiras, mübarizə əzmi və maneələri aşmaq istəyi ilə simvolizə olunur. Bu tarixlərdə doğulanların uğursuzluqlar qarşısında geri çəkilmədikləri, məqsədlərinə çatmaq üçün riskə getməyə və inanclarını müdafiə etməyə hazır olduqları bildirilir.
Yazıda vurğulanır ki, birinci qrupun əsas gücü fərdiliyini və özünəinamını uğura çevirmək, ikinci qrupun üstünlüyü isə qətiyyətini konkret addımlarla reallaşdırmaq kimi izah edilir.
Qeyd edək ki, numerologiya elmi cəhətdən təsdiqlənmiş sahə deyil. Doğum tarixinin insanın xarakterini və gələcək uğurlarını müəyyən etdiyinə dair etibarlı elmi sübutlar yoxdur. Buna görə də bu cür yanaşmalar elmi fakt deyil, əyləncə xarakterli inanclar kimi qiymətləndirilməlidir.
Jalə
