"SM-Klinika"nın ginekoloqu Yekaterina Lisovskaya qadın xəstəliklərinin müalicəsində internetdən götürülən məsləhətlərin nə üçün təhlükəli olduğunu izah edib. O, ginekoloji problemlərin xalq vasitələri ilə həllinin ağır nəticələri barədə "Lenta.ru"ya açıqlamasında xəbərdarlıq edib.
Həkimin sözlərinə görə, qadınlar arasında ən geniş yayılmış evdə özünümüalicə üsullarından biri soda, kalium permanqanat və ya sirkə ilə şpris etməkdir. Lakin onun fikrincə, bu yolla sidik-cinsiyyət sistemi infeksiyasını «yuyub çıxarmaq» və ya iltihabı sakitləşdirmək mümkün deyil. Əksinə, belə praktika vaginal mikrobiomun balansının pozulmasına, nəticədə isə xəstəliyin təkrarlanmasına və gedişinin ağırlaşmasına gətirib çıxarır.
«Şprislə yuma infeksiyaları aradan qaldırmır, lakin vaginal mikroflorasın turşuluğunu və tərkibini dəyişə bilər. Üstəlik, qadın rahatlıq əvəzinə əlavə qıcıqlanma, hətta selikli qişanın yanığını əldə edə, beləliklə, kiçik problemi çox ciddi problemə çevirə bilər», – Lisovskaya xəbərdarlıq edib.
Ginekoloq digər şübhəli üsul kimi infeksiyanı aradan qaldırmaq üçün efir yağları, bor turşusu ilə hazırlanmış evdə düzəldilmiş tamponlardan və ya hazır "Çin" şamlarından istifadəni göstərib. O vurğulayıb ki, bu cür üsulların səmərəliliyini təsdiq edən sübut yoxdur. Eyni zamanda, selikli qişa ilə təmasda olan efirlər, turşular və məlum olmayan komponentlər güclü qıcıqlanmaya, toxuma zədələnməsinə, həmçinin allergik reaksiyalara səbəb ola bilər. Belə hallarda özünümüalicənin nəticələrinin aradan qaldırılması bəzən aylarla vaxt tələb edir, – deyə həkim qeyd edib.
