"İndi müəllimlərin əməkhaqqı mənim dövrümə nisbətən hiss olunacaq dərəcədə artıb və ilbəil artmaqda davam edir"
Demokrat.az xəbər verir ki, bunu Azərtac-a müsahibəsində keçmiş təhsil naziri Misir Mərdanov deyib.
O, bildirib ki, Azərbaycanda təhsilin bugünkü vəziyyətini tam obyektiv qiymətləndirə bilməz:
"Çünki xeyli müddətdir təhsil sistemindən ayrılmışam. Ancaq hər halda kənardan da olsa, apardığım müşahidələrin nəticəsində onu söyləyə bilərəm ki, təhsil hər bir dövlətin ən ağır, ən geniş və ən mürəkkəb sahəsidir. Elə bir ölkə yoxdur ki, onun təhsil sahəsində problemi olmasın. Mən işləyən dövrdə də olub, bu gün də var, gələcəkdə də olacaq.
Ancaq fikrimcə, təhsildə ən ciddi problemlərdən biri müəllimlərin əməkhaqqı məsələsi idi. Bu gün həmin məsələ yavaş-yavaş, hissə-hissə öz həllini tapmaqdadır. Məktəb direktorlarının əməkhaqqı da artıb. Bu da çox yaxşı işdir".
