Məhkəmə müğənni Afət Fərmanqızının xeyrinə qərar çıxardıb.
Demokrat.az "Oxu24.com"a istinadla xəbər verir ki,müğənni Afət Fərmanqızı bloger Sevinc Hüseynova ilə bağlı Füzuli Rayon Məhkəməsinə müraciət edərək müvəqqəti təminat tədbirinin tətbiqinə nail olmuşdu.
Qərara əsasən, Sevinc Hüseynovaya Afət Fərmanqızının adını çəkmək və onun haqqında danışmaqla bağlı qadağa qoyulub.
Sevinc Hüseynova həmin qərarın ləğvi ilə bağlı Şirvan Apellyasiya Məhkəməsinə şikayətlə müraciət edib. Lakin məhkəmə tərəfindən onun şikayəti rədd edilib və Füzuli Rayon Məhkəməsinin qərarı qüvvədə saxlanılıb.
