BMT Baş Assambleyasının 81-ci sessiyası çərçivəsində Azərbaycanın xarici işlər naziri Ceyhun Bayramov İslam Əməkdaşlıq Təşkilatının (İƏT) yeni baş katibi İsmayıl Uld Şeyx Əhmədi təbrik edib.
Demokrat.az xəbər verir ki, bu barədə Azərbaycanın Xarici İşlər Nazirliyinin (XİN) "X" sosial şəbəkə hesabında paylaşım edilib.
Görüş zamanı Ceyhun Bayramov artan islamofobiya ilə mübarizədə həmrəyliyin vacibliyini vurğulayıb və Azərbaycanın Fələstinin dövlətçiliyinə dəstəyini bir daha təsdiqləyib.
Nazir artan regional hərbi münaqişələrlə bağlı narahatlığını ifadə edərək, qlobal miqyasda müsəlman icmalarını hədəf alan ayrı-seçkilik və zorakılıqla mübarizə aparmaq üçün diplomatik səylərin gücləndirilməsinə çağırıb.
Ceyhun Bayramov, həmçinin 2027-ci ildə Azərbaycanda keçiriləcək İƏT Zirvə Görüşünə hazırlıq çərçivəsində görülən institusional işlər barədə məlumat verib.
Foreign Minister @Bayramov_Jeyhun addressed the @OIC_OCI Coordination Meeting. The Minister congratulated incoming OIC Secretary-General Ismail Ould Cheikh Ahmed, emphasized solidarity against rising Islamophobia, and reaffirmed Azerbaijan’s support for Palestine’s statehood. He voiced deep concern over rising regional military conflicts, calling for intensified diplomatic efforts and united OIC action to combat discrimination and violence targeting Muslim communities globally. Minister Bayramov outlined institutional preparations for OIC Summit in 2027 in Azerbaijan. #Azerbaijan #OIC #UNGA81
— MFA Azerbaijan 🇦🇿 (@AzerbaijanMFA) September 24, 2026
