Aİ Şurası Ermənistan ixracatının təxminən 80%-nə qarşı tariflərin iki il müddətinə müvəqqəti olaraq aradan qaldırılmasını təsdiqləyib.
Aİ Şurası Ermənistanla müvəqqəti ticarət liberallaşdırma tədbirlərini təsdiqləyib və bu tədbirlər Ermənistanın Aİ-yə həyata keçiriləcək ixracatının təxminən 80%-nə qarşı idxal rüsumlarının ləğvini nəzərdə tutur.
Demokrat.az-ın məlumatına görə, bu barədə Aİ Şurasının saytında məlumat yayılıb.
Tədbirlər Rusiyanın tətbiq etdiyi ticarət məhdudiyyətlərindən sonra Ermənistan iqtisadiyyatını dəstəkləməyi hədəfləyir. Onlar iki il müddətində qüvvədə qalacaq.
Yeni rejim çərçivəsində, müəyyən növ kənd təsərrüfatı məhsulları da daxil olmaqla, Ermənistan mənşəli geniş çeşidli mallara tətbiq edilən idxal rüsumları ləğv ediləcək.
Aİ Şurası qeyd edib ki, bu tədbirlər Hərtərəfli və Genişləndirilmiş Tərəfdaşlıq Sazişinin (CEPA) məqsədlərinə uyğun olaraq, Ermənistandan Aİ-yə ticarət axınlarının qorunub saxlanılmasına və gücləndirilməsinə töhfə verəcək.
