Bir dövrə damğasını vuran “Selena” serialında Nazlı obrazını canlandıran Dilara Kurtulmuş evlilik yolunda ilk böyük addımını atıb.
Demokrat.az xəbər verir ki, Umutcan Ekmez ilə toy hazırlıqlarını davam etdirən gənc aktrisanın xına gecəsi illər sonra baş tutan sürpriz görüşə də səhnə olub. “Selena” və “Sihirli Annem” seriallarının aktyorlarını bir araya gətirən gecədən rəngarəng görüntülər paylaşılıb.
Dilara Kurtulmuş və Umutcan Ekmezin ailələri və yaxın dostlarının qatıldığı xına gecəsində musiqi və rəqs gecə boyu davam edib. Cütlüyün sevincinə şərik olan qonaqlar toy öncəsi bu özəl gecədə əyləncəli anlar yaşayıblar.
“Selena” serialında Nazlı obrazı ilə yaddaşlarda qalan Dilara Kurtulmuşu özəl gecəsində keçmiş rol yoldaşı Gizem Güven də tək qoymayıb. İkilinin illər sonra yenidən bir araya gəlməsi gecədən paylaşılan fotolarda əks olunub.
“Selena” pərəstişkarlarını keçmişə aparan görüntülər qısa müddətdə böyük maraq doğurub. Kurtulmuş və Güvenin səmimi görüntüləri serialı uşaqlıq illərində izləyən tamaşaçıları duyğulandırıb.
Gecəyə “Sihirli Annem” serialı ilə tanınan Zeynep Bozkaya və Cennifer Boyner də qatılıb. Beləliklə, Türkiyə televiziyasının iki unudulmaz uşaq və gənclik serialının aktyorları eyni mərasimdə bir araya gəlib.
Xına gecəsindən paylaşılan foto və videolar sosial mediada da gündəmə gəlib. Əyləncəli görüntülərdə Dilara Kurtulmuş və Umutcan Ekmezin həyəcanı diqqət çəkib. Cütlük yaxınları ilə birlikdə toy öncəsi unudulmaz gecə keçirib.
Jalə Demokrat.az
